الامتحانات الكئيبه

الى كل طلبة الجامعات وكل اللى عندهم امتحانات فى مصر
كان الله فى عونكم
جو الامتحانات فى هذا الوقت الكئيب من العام
برودة الطقس
اطنان من الاوراق المكدسه امامنا نصفها على الاقل لاعلاقه لها بتخصصنا
سالت صديقه لى فى السنه الاولى باحدى الكليات عن عدد المواد فى التيرم الاول
واذا بها تخبرنى انها تدرس 9مواد نظريه فى تيرم واحد
غير الامتحانات الشفويه التى مرت
نصف هذه المواد عباره عن مزيج من اشياء عفى عليها الدهر لا علاقه لها بدراستها
اذا كانت المواد الغير تخصصيه فى الجامعات هدفها زيادة ثقافة الطلبه ووعيهم بمختلف المجالات
فبالله عليكم ليخبرنى احد ما فائدة دراسة طلبه تخصصهم اللغه الانجليزيه للشعر فى العصر الاسلامى والشعر فى العصر العباسى
فى مادة اللغه العربيه
اذا كان نظام التعليم حتى الثانويه العامه نظام فاشل بكل المقايس
فكان الاولى ان يتعدل هذا النظام ع الاقل فى الجامعات
ولكن الحال انتقل من سوء الى اسوء
وفى النهايه تخرج الجامعات المصريه سنويا اعداد مهوله لا يتذكرون شيئا مما درسوه طوال سنوات الجامعه
والعباره المعتاده التى تواجهنا مع اول صدام فى الحياه العمليه
(انسوا اللى انتوا درستوه فى الكليه دا خالص الشغل دا حاجه تانيه)
بما ان الشغل حاجه تانيه ومالوش اى علاقه بما درسناه طوال سنوات الجامعه
تعبتوا اعصابنا ليه كل السنين دى
لنا الله