يا رجال مصر.....ارحمونا

المكان:مترو الانفاق ,محطة السادات
الزمان:الاربعاء 19-3-2008 الساعه 7.30

وقفت على الرصيف كالعاه امام عربة السيدات (اللى اتسرق فيها موبايلى من اسبوع وبردوا مصممه عليها)انتظر المترو وانا فى استعجال كالعاده
عندما فتحت ابواب المترو اعتقدت انى اخطات العربه او ان الساعه تعدت التاسعه
لان العربه كانت تكتظ بالرجال الجالسين على الكراسى
والنساء الواقفات امامهم
نظرت الى ساعتى وجدتها ما زالت السابعه والنصف
وفجاه سمعت صوت فتاه تقول

ما بقاش فى احساس موش دى عربية سيدات بردوا
حرام عليكوا
وطبعا كعادة رجال مصر نظروا اليها على انها مجنونه او مختله عقليا
وبدات عبارات الاستظراف والاستخفاف المعتاده من شباب مصر الروش
وبدات هى ترد بالطبع عن ان هناك قوانين ويجب الالتزام بها
كنت اريد ان استوقفها واقول لها
مع من تتحدثين والى من توجهين كلامك
ولكن حالتها لم تكن تسمح ان امارس عليها فلسفتى

سؤالى بقا موجه لكل راجل كان موجود فى العربيه وجلس بكل تناحه يستهزء بها
يا ترى لو مامتك او زوجتك او اختك خارجه
تحب تبقى فى وسط سيدات
ولا فى وسط رجال
يا ترى للدرجه دى ما بقاش فى اى التزام باى قيم او اخلاقيات

والى تلك الفتاه
حينما تتحدثين عن العقل والمنطق وجهى كلامك الى عقلاء