ازمة الحجاب الوهميه

اشعلت تصريحات فاروق حسنى حول الحجاب الشارع المصرى
وتوالت ردود الفعل
والبرامج الحواريه
والمطالبه باستقالة الوزير
والبعض الاخر يطالب الوزير بالاعتذار
وكأن تصريحات فاروق حسنى هى اولى المؤشرات الى هذا الاتجاه القومى
خلينا بقا واقعين وتعالو نعيش فى ارض الواقع
الحقيقه ان اللى قاله فاروق حسنى مجرد تعبير عن الواقع الحادث اصلا والموجود
وهقولكم مثال عنى انا شخصيا
اتقدمت لشغل فى احدى الشركات السياحيه للعمل كمرشده سياحيه
عارفين اول شرط كان ايه
ان المتقدمه ما تكونشى متحجبه
سؤال بجد موش لاقياله اجابه ايه علاقة الحجاب بالشغل وبالكفاءه
ايه علاقة المظهر اساسا بالعمل
دايما نقرا اعلانات مطاوب سكرتيره حسنة المظهر
ايه علاقة حسن المظهر بالكفاءه فى العمل
هل البنت الجميله هتبقى خبرتها افضل
وهل الحجاب هيمنع انها تكون جميله
وهل الحجاب هيمنع انها تؤدى عملها
وهل غير المتحجبات هم الاكثر كفائه

طب اذا كان دا امر واقع وحاصل فى مجتمعنا
بنلوم ليه على فاروق حسنى اللى كل اللى عمله انه قال حاجه هى اساسا مطبقه ومعمول فيها
كان الاولى ان يكون لينا موقف تانى من البدايه
من زمان قوى
وللحديث بقيه